مقروظ.......نحتاج الى أخوات يسيرن ميدان الحلويات و يدرنه
كاتب الموضوع
رسالة
Admin Admin
المساهمات : 211 تاريخ التسجيل : 03/06/2012
موضوع: مقروظ.......نحتاج الى أخوات يسيرن ميدان الحلويات و يدرنه الخميس يونيو 07, 2012 1:29 pm
إضغط هنا لرؤية الصورة بحجمها الطبيعي.
مقادير العجين : 3كيلات فرينة - نص كيلة زبدة ذايبة - ملح - فاني -وتعجني بماء الزهر والماء حتى تتحصلي على عجينة رطبة اصبغيها بالاخضر وخلي شوي ابيض للديكور وغطيها بالبلاستيك وخليها ترتاح الحشو : 3 كيلات لوز محمص مليح و مرحي -كيلة سكر مسحوق يعني سكر قلاسي - 3 ملاعق كبيرة زبدة ذايبة وبيض تلمي به الحشو حتى تحصلي على حشو متماسك كيفية العمل: حلي العجينة الخضراء واعملي حربوش في وسطها بالحشو وروبيها ثم بسطيها شوي بيدك وقصي مثلثات شوي عريضة شوفي الشكل من بعد اعملي دوائر خضراء بالعجينة ودوائر اصغر منها بيضاء وحطيهم في قلب الدوائر الخضراء ولهوثيهم خرجي في الماشينة خيوط من العجينة الخضراء وادهني ببياض البيض حبة القاطو شوي برك حق ما تحطي خيوط العجينة فقط وحطي العجينة الخضراء اللي عملتيها خيوط مثل السباقيتي ثم حطي الدوائر اللي عملتيهم وارشقي بحبة لوز وحطي القاطو يرتاح نص نهار ثم طيبيه في فور متوسط لما يطيب عسليه وهو سخون وقطريه ولمايبرد حيدي عاودي عسليه وزينيه باللماع
مرحبا أخواتي الأعزاء راني اليوم جبتلكم طريقة صنع المقروط من عند أمي الغالية و فيه كل الخطوات بالتفصيل ان شاء الله تستفادوا و الطريقة في الصور نتمنى الشرح يكون وافي و أي استفسار انا في الخدمة و لا تنسوا أمي بدعائكم الصالح
إضغط هنا لرؤية الصورة بحجمها الطبيعي.
بسم الله على بركة الله 3 عبار سميد متوسط يجي كيما تاع الطمينة كا يكون خشين كيما تاع قلب اللوز ما يكون رقيق بزاف متوسط و عبرت بهاد الطبسي تاع الشوربة كبير ثم انديرو نص مغرف صغيرة ملح و نص كاس سكر ( نعبر بكاس قازوز) و نزيدوا حفنة تاع فرينة ( الفرينة انديروها في حالة ما كان السميد خشين بزاف و ايذا كان عندك المتوسط انضيفلها نص حفنة فقط) و انخلطهم و نزيدولهم عبر واحد تاع زبدة ذايبة و ززيت ايجو نص نص في عبر واحد و بالاكو الزبدة يكون فيها الماء اشرو نوعية مليحة مثل لابال و انبسس مليح و انخليها اتبات ليلة كاملة و ايذا كنتي مقلقة يكفي 4 ساعات و في الصباح نلم الخليط بالماء و ماء الزهر و يكون الماء كثر من ماء الزهر حتة تولي عندنا عجينة طرية نتحكم فيها و نبلو غير قد حربوش ماشي كامل العجين و نعمس مليح بيديا باش يدخل الماء مليح نخليكم مع الصور
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
ثم انقسم العجين تاعنا و انديرو حربوش كيما هذا و نفتحوه في الوسط و انديرو داخلو العقدة على شكل حرابيش صغار ماما دارتها بالتمر و اندير فيها ايضا عقدة الكوكاو او اللوز ثم نغلق كما في الصور
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
ثم انحي الاطراف السكين من الجانبين
إضغط هنا لرؤية الصورة بحجمها الطبيعي.
و انديرهم فوق الحربوش
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
و انعاودوا انشكلو حربوش و هاد المرة انطولوه و نستووه مليح
إضغط هنا لرؤية الصورة بحجمها الطبيعي.
و انشكلو مقرروطات بطابع المقروط و هادوك الحواف اللي يزايدوا انحوهم و انديروهم مع العجين تاعنا و نستوي مليح اطراف الحبة تاع المقروط بيدينا و انديروها في زيت سخووووووووووون سخوووووووون و عبر ما يشد روحو واحد 3 دقايق و انقص على النار لانو الزيت ايلا كانت باردة المقروط ينحل و هاد العملية انديروها في الاول فقط لانو الزيت في المرة الثانية و الثالثة راه يكون بلا ما انزيدوا النار لانها تولي سخونة و هكذا حتى اتكملي كامل العجين اللي عندك
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
و هذا هوا اللون كي طاب ما نحمروهش بزاف راح يتعسل و يزيد لونه
إضغط هنا لرؤية الصورة بحجمها الطبيعي.
و العسل انديروها على نار تسخن ثم انديرو فيها المقروط تاعنا سخون من المقلى للعسل ثم انديروه في كسكاس تحتو صحن باش يتقطر و في الغد انعاودو انعسلوه مرة ثانية و كي تروح تشربو بيه القهوة غدا من ذاك او يوم آخر تاني عسلي قيس ما راكي رايحة اتحطي
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
ملاحظات : لنجاح المقروط خليه يبات ليلة في البسوس تاعو و غدوة من ذاك بليه بالماء و ماء الزهر و ياش ايجيك معسل من الداخل مش ناشف اتعسليه فورا كي اتنحيه من المقلى و اتعسليه مرة ثانية في اليوم الموالي ايضا و بالهناء و الشفاء
مقروظ.......نحتاج الى أخوات يسيرن ميدان الحلويات و يدرنه